Վերջերս գիտնականները պարզել են, որ ընդամենը մեկ խնձորում կարող է պարունակվել 100 միլիոն բակտերիա, որոնց մեծ մասը շատ օգտակար են առողջության համար, սակայն իրականում սա խնձորի միակ օգտակար հատկությունը չէ: Ձեր ուշադրությանն ենք ներկայացնում ևս հինգ պատճառ ամեն օր այս համեղ միրգն ուտելու համար:
Կանխում է ծերունական թուլամտության զարգացումը
Խնձորը պաշտպանում է նեյրոնները թթվայնացնող սթրեսից՝ դրանով իսկ նվազեցնելով նեյրոտոքսիկության մակարդակը, ինչը շատ կարևոր է ծերունական թուլամտության կանխարգելման հարցում:
Նվազեցնում է գլխուղեղի կաթվածի հավանականությունը
Գիտնականները պարզել են, որ ամեն օր խնձոր օգտագործելը զգալիորեն նվազեցնում է գլխուղեղի կաթվածի զարգացման հավանականությունը: Սա գլխուղեղի արյան շրջանառության վտանգավոր խանգարում է, որը կարող է անդառնալի հետևանքներ ունենալ:
Կանխում է ճարպակալումը
Խնձորը հարուստ է մանրաթելերով, ինչի շնորհիվ օգնում է բավական երկար ժամանակով մոռանալ քաղցի զգացման մասին: Արդյունքում մարդն ավելի քիչ է ուտում, ինչն էլ օգնում է խուսափել ճարպակալումից:
Նվազեցնում է շաքարային դիաբետի զարգացման հավանականությունը
Պոլիֆենոլային հակաօքսիդանտների շնորհիվ խնձորը նվազեցնում է ամենատարածված ու վտանգավոր մետաբոլիկ խանգարումներից մեկի՝ շաքարային դիաբետի զարգացման հավանականությունը:
Օգնում է պայքարել ասթմայի դեմ
Մեծ քանակությամբ հակաօքսիդանտների շնորհիվ խնձորը պաշտպանում է թոքերը թթվայնացնող վնասվածքներից, ինչը շատ կարևոր է ասթմայի դեմ պայքարում:
Նյութի աղբյուր
