Առողջապահության համաշխարհային կազմակերպության տվյալներով՝ զարգացած երկների մեծ մասում խորանիստ երակների թրոմբոզը համարվում է մահացության հիմնական պատճառներից մեկը: Այս հիվանդության վտանգավորությունը պայմանավորված է նրանով, որ թրոմբները կարող են մեծանալ և անգամ խցանել անոթը՝ դառնալով արյան հոսքի խանգարման պատճառ: Նման դեպքերում բարձրանում է սրտամկանի ինֆարկտի, գլխուղեղի կաթվածի ու թոքային թրոմբոէմբոլիայի հավանականությունը, իսկ նման խանգարումները կարող են հանգեցնել մահվան:
Նման լուրջ խնդիրներից խուսափելու համար հարկավոր է ժամանակին հայտնաբերել անոթում առաջացած թրոմբները, ուստի ձեր ուշադրությանն ենք ներկայացնում 5 ախտանշան, որոնք կհուշեն թրոմբի առկայության մասին:
Վերջույթի այտուցվածություն
Միայն մեկ ձեռքի կամ ոտքի այտուցը բավական լուրջ ախտանշան է, որը ոչ մի դեպքում չի կարելի անտեսել: Եթե այս խնդիրը հաճախ է կրկնվում, ապա այն հուշում է խորանիստ երակների թրոմբոզի զարգացման մասին, որի դեպքում խանգարվում է արյան հոսքը դեպի մարմնի որոշ հատվածները:
Կարմիր բծեր
Մաշկին երակներին զուգահեռ կարմիր բծերի առաջացումը նույնպես շատ վտանգավոր ախտանշան է, հատկապես, եթե այդ հատվածների մաշկի ջերմությունն ավելի բարձր է: Նման դեպքերում անհրաժեշտ է անպայման դիմել բժշկին, քանի որ սա կարող է լինել թրոմբի առկայության մասին հուշող բավական լուրջ ախտանշան:
Ոտքերի ցավեր
Ոտքերում ցավոտ զգացողությունները, ջղաձգումներն ու ծակծկոցը ոչ միշտ են վկայում թրոմբների մասին, սակայն թրոմբոզի զարգացման դեպքում նման ախտանշաններ շատերի մոտ են նկատվում:
Արտասովոր հևոց
Եթե անգամ չնչին ֆիզիկական ծանրաբեռնվածությունը դառնում է հևոցի պատճառ, ապա հարկավոր է անհապաղ բուժզննում անցնել, քանի որ սա կարող է վկայել թոքերի շուրջն առաջացված արյան մակարդուկի մասին: Միաժամանակ նկատվող գլխապտույտը միայն կհաստատի այս ենթադրությունը:
Հազ
Հաճախակի հազը, որն ուղեկցվում է կրծքի հատվածի ցավերով նույնպես կարող է վկայել թրոմբի առկայության մասին: Ընդ որում, նման դեպքում ռենտգենյան հետազոտությունը կարող է որևէ խանգարում ցույց չտալ, ինչը միայն հաստատում է թրոմբի առկայության վարկածը:
Նյութի աղբյուր
