Անհրաժեշտ բաղադրիչներ․
- 500գ թարմ շամպինյոն
- 500գ հավի կրծքամիս
- 500գ գազար
- 300գ պանիր
- 4 ձու
- 2 հատ կարտոֆիլ
- 2 հատ սոխ
- 300գ մայոնեզ
Պատրաստման եղանակ. Սունկը կտրատել, տապակել քիչ քանակությամբ ձեթի մեջ, համեմել աղով և պղպեղով: Գազարն անցկացնել քերիչով և նույնպես տապակել, համեմել աղով: Հավի կրծքամիսը եփել՝ աղով և դափնետերևով ջրի մեջ: Կարտոֆիլը եփել և մաքրել: Պանիրը, եփած ձուն և կարտոֆիլն անցկացնել քերիչով, սոխը մանր կտրատել և տապակել ձեթի մեջ:
Շերտերով հավաքել աղցանը: Սկզբում դնել կարտոֆիլը, սունկը, մայոնեզով ցանց անել: Դնել հավի շերտը, սոխը, գազարը, նորից մայոնեզ: Հաջորդը ձուն է, պանիրը և կրկին մայոնեզի ցանց անել: Աղցանը զարդարել քերած պանիրով, սնկով կամ կանաչիով՝ ինչպես կցանկանաք: Աղցանը 2-3 ժամ թողնել սառնարանում և մատուցել:
