Կծու, անուշաբույր և շատ համեղ աջիկան հիանալի լրացում է գրեթե բոլոր ուտեստների համար: Այն ձմռանն ուղղակի անփոխարինելի է:
Անհրաժեշտ բաղադրիչներ.
- 1,2կգ լոլիկ
- 1 գլուխ սխտոր
- 3-4 հատ կծու կարմիր պղպեղ
- 2 հատ քաղցր բուլղարական պղպեղ
- 2 միջին խնձոր
- 2 միջին գլուխ սոխ
- 300գ գազար
- 70մլ ձեթ
- 40մլ 6% քացախ
- 50գ շաքարավազ
- 1ճ.գ. աղ
- կես թ.գ. սև պղպեղ
- 1թ.գ. չորացրած ռեհան
- 1թ.գ. օրեգանո
Պատրաստման եղանակ.
Լվացեք և ստերիլիզացրեք բանկաները: Նշված քանակությամբ մթերքի համար անհրաժեշտ է 5 բանկա՝ 500գ տարողությամբ: Մաքրեք սխտորը, սոխը: Սոխը կտրատեք մի քանի մասի: Կտրեք պղպեղների պոչիկները, հանեք սերմերը և բաժանեք 4 մասի: Գազարը մաքրեք, լվացեք և կտրեք 2-3 մասի: Խնձորը լվացեք, կեղևազրկեք, կտրեք 4 մասի և հանեք կորիզները: Լոլիկները նույնպես լվացեք և կտրեք 4 մասի: Բոլոր նախապատրաստված բաղադրիչներն աղացեք, խառնեք, ավելացրեք համեմունքները, քացախը, ձեթը, աղը և շաքարավազը:
Եփեք հաստ պատերով կաթսայի մեջ: Աջիկան դրեք միջին կրակին և հասցրեք եռման աստիճանի, ինչից հետո թուլացրեք կրակը, փակեք կաթսայի կափարիչը և եփեք 1 ժամ՝ պարբերաբար խառնելով: Պատրաստի աջիկան լցրեք բանկաների մեջ և փակեք ստերիլիզացված կափարիչներով: Բանկաները պահեք շուռ տված և տաք ծածկոցով փաթաթված վիճակում՝ մինչ դրանց լիարժեք սառելը: Բարի ախորժակ:
