Համեմունքները յուրաքանչյուրի խոհանոցում շատ կարևոր դեր են խաղում։Դրանք յուրահատուկ համ ու բույր են հաղորդում ուտեստներին ու ըմպելիքներին, սակայն քչերին է հայտնի,որ համեմունքներից շատերը ոչ միայն համեղ են,այլև անչափ օգտակար։ Մասնագետները ներկայացրել են օրգանիզմի համար ամենաօգտակար համեմունքները,որոնք հարկավոր է անպայման ներառել սննդակարգում։Ինչպես գրում է actualnews.org կայքը, ամենաօգտակար համեմունքների շարքին է դասվում սև պղպեղը, որը խթանում է նյութափոխանակության գործընթացներն ու բարելավում է մարսողական համակարգի աշխատանքը։ Այս համեմունքն օգնում է այրել ճարպերը` դրանով իսկ նպաստելով քաշի նվազմանը։ Բայցի այդ, այն հիանալի միջոց է հազի դեմ պայքարի համար։
Շատ օգտակար կարող է լինել նաև քրքումը, որն իր հակաբորբոքային հատկությունների շնորհիվ նվազեցնում է սրտանոթային համակարգի հիվանդությունների և անգամ ուռուցքների զարգացման հավանականությունը։ Բացի այդ, այս համեմունքը շատ արդյունավետ կարող է լինել ցավոտ զգացողություններով ուղեկցվող արթրիտի դեպքում։
Շնչառական համակարգի հիվանդությունների դեպքում շատ արդյունավետ կարող է լինել քեմոնը։ Ընդ որում` այն օգնում է պայքարել այնպիսի տհաճ խնդիրների դեմ, ինչպիսին են ասթման և բրոնխաբորբը։ Ոչ միայն համեղ, այլև շատ օգտակար համեմունք է համարվում նաև հացհամեմը (այծառվույտ)։ Այն հիանալի միջոց է ուտեստին յուրահատուկ համ հաղորդելու և արյան մեջ շաքարի մակարդակը վերահսկողության տակ պահելու համար։
Բացի այդ, չի կարելի անուշադրության մատնել դարչնի օգտակար հատկությունները: Այս համեմունքն ամրապնդում է սրտանոթային համակարգը, ինչպես նաև օգնում է ազատվել ավելորդ քաշից և առողջական մի շարք խնդիրներից: Դարչինը կարելի է հավելել ոչ միայն ուտեստներին, այլև սուրճին, թեյին, սմուզիներին և տարատեսակ աղանդերներին:
