«Հերթական սիրալիր և անվճար հուշումը ՍԴ նախագահ Հրայր Թովմասյանին Ստյոպա Սաֆարյանը

Ստյոպա Սաֆարյանը ֆեյսբուքյան իր էջում գրել է. «Հերթական սիրալիր և անվճար հուշումը ՍԴ նախագահ Հրայր Թովմասյանին և դատական բանդայի անդամներինՀրայր Թովմասյան, քանի շուտ է, գլխիդ ճարը տես, Դավիթ Գրիգորյանի՝ քեզ ուղարկած ծանրոցը ետ ուղարկիր իրեն ու հրաժարականիդ դիմումը գրիր.

1. Այսօր փաստաբան Ալեքսանդր Սիրունյանը Aleksandr Sirunyan-ը հանցագործության մասին հաղորդում է ներկայացրել Գլխավոր դատախազություն, ՀՔԾ ու այլ մարմիններ՝ մայիսի 20-ին դատավոր Դ. Գրիգոյանի կայացված որոշման հակաօրինականության ու հակասահմանադրականության վերաբերյալ, ու քրեական գործի հարուցումը 7 սարի հետևում չէ, քանզի վասնզի հաղորդագրության մեջ թվարկված ու ներկայացված ապացույցներն առ այն, որ դատավորը գործել է կամայականության ու ինչ-ինչ շահագրգռությունների դաշտում՝ ոտատակ տալով օրենք ու Սահմանադրություն, այլևս անառարկելի է:

2. ՀՀ վճռաբեկ դատարանն այսօր ձեզ բոլորիդ, ՀՅԴ ասած՝ դեղին քարտ ցույց տվեց՝ մեղադրելով սահմանադրորեն ձեզ վերապահված շրջանակները գերազանցելու մեջ,

3. ԶԼՄ-ներով հրապարակվել են քեզ Սահմանադրության ու օրենքների պահանջների խախտումով ՍԴ անդամ, ապաև նախագահ նշանակելու փաստեր ու ապացույցներ՝ տրամադրված ԱԺ աշխատակազմից, ու բացառված չէ, որ քո հարցերն ավելի արագ լուծվեն ԱԺ-ում ՍԴ անդամի ընտրության ու ԱԺ համապատասխան որոշման չեղյալ համարելու տեսքով,

4. ՀՅԴ, ՀՀԿ, Քոչարյան միասնական ջանքերով, ահռելի միջոցներով կազմակերպված հանրահավաքին մի քանի հարյուր մարդ մասնակցեց ու քաղաքական հարթության վրա հենարան չունես:

5. Արագացված անցումային արդարադատությունը և վեթինգը պաշտոնապես սկսվում են վաղվանից, երբ Խորհրդարանը, կարծում եմ, հրավիրված լսումների հիման վրա նաև ԱԺ որոշում կընդունի այն նախաձեռնելու ու դրա ժամկետների մասին:

6. Շուտով մենք հուժկու հանրահավաքով ձեզ հյուր կգանք ավելի մանրամասն բացատրելու եղելությունը՝ Պոլինա Գագարինայի Кукушка, Драмы больше нет, Спектакль окончен և Թաթայի «Տեսա՞ր ինչ եղավ» երգացանկով:

Դուք արդեն շրջափակված եք… Նայիր Արամ Սիմոնյանին ու հասկացիր, թե ինչ պետք է անես…»:

Աղբյուր

ՀԱՎԱՆԵՑԻՔ ՆՅՈՒԹԸ? ԿԻՍՎԵՔ ՁԵՐ ԸՆԿԵՐՆԵՐԻ ՀԵՏ
NEWS GOOD TIME
Яндекс.Метрика