Լուիզա Ներսիսյանի և Հրանտ Թոխատյանի դստեր ծննդյան տարեդարձի խնջույքն ու հյուրերը

Լուիզա Ներսիսյանի և Հրանտ Թոխատյանի դուստրը՝ Լիլիթը, սեպտեմբերի 23-ին տոնել է ծննդյան տարեդարձը: Նա բոլորել է 13 տարին, ինչի առթիվ ծնողները խնջույք են կազմակերպել երևանյան ակումբներից մեկում:

Tert.am Life-ը ներկա է եղել Լիլիթի տարեդարձի խնջույքին ու ներկայացնում է հետաքրքիր դրվագները:

Որպես դերասանուհի տարբեր նախագծերում ներկայացած աղջիկն իր խնջույքին հրավիրել էր ինչպես հասակակից ընկերներին, այնպես էլ մայրիկի ընկերներին՝ Ռաֆայել Երանոսյանին, Դիանա Շատվերյանին, որոնց հետ ինքն էլ բավականին շատ ժամանակ է անցկացնում:

«Տարեդարձիս հրավիրել էի իմ ամենամտերիմ մարդկանց: Քանի որ արդեն մտնում եմ թինեյջերական տարիք, որոշել էի ֆուրշետային փարթի ունենալ, որի ընթացքում ընկերներիս հետ կպարենք ու կուրախանանք: Շատ լավ օր ունեցանք,- ասաց Լիլիթն ու հավելեց, որ մանկական սրճարաններում ծնունդներ չի կազմակերպում, քանի որ չի սիրում նման միջոցառումներ,- ավելի շատ սիրում եմ ընկերներիս հետ կազմակերպել մեր ժամանցը: Մենք կարողանում ենք զբաղեցնել մեզ: Լավ օր ունենալու համար ծաղրածու հրավիրելու կարիք չի լինում»:

Որպես օրվա ամենազավեշտալի պահ Լիլիթն առանձնացրեց տորթի կտրման արարողությունը։ Նա պատմեց, որ տորթի մոմերը փչելուց հետո ընկերներն իր գլուխն ամբողջությամբ մտցրել են տորթի մեջ․ «Կարող եմ ասել, որ տորթի կեսը ես եմ կերել, ամբողջ դեմքս կրեմ էր»:

Անդրադառնալով նվերներին՝ Լիլիթն ասաց, որ շատ հետաքրքիր նվերներ է ստացել: «Որևէ մեկն առանձնացնել չեմ ուզում: Միայն կասեմ, որ շատ շոկոլադ եմ նվեր ստացել, իսկ ես քաղցրավենիք շատ եմ սիրում»,- ասաց նա:

Ինչ վերաբերվում է ծնողների նվերին՝ Լիլիթը հայտնեց, որ սքեյթբորդի տախտակ է նվեր ստացել, ինչից շատ է ուրախացել․ «Փորձում եմ սովորել սքեյթբորդ քշել: Նոր հետաքրքրություն է ինձ համար»:

Լուսանկարները՝ Էլեն Գասպարյանի։ Հեղինակ Ամալյա Հովհաննիսյան։ Աղբյուր

ՀԱՎԱՆԵՑԻՔ ՆՅՈՒԹԸ? ԿԻՍՎԵՔ ՁԵՐ ԸՆԿԵՐՆԵՐԻ ՀԵՏ
NEWS GOOD TIME
Яндекс.Метрика