Երկրպագուներն օդանավակայանում անհամբեր սպասում էին հնդիկ դերասանների Երևան ժամանելուն՝ քննարկելով, թե ով ինչպես է լուսանկարվելու և ինչ գիտի սիրելի աստղի մասին:
Tert.am Life-ը ևս օդանավակայանում է եղել, լուսանկարել ու զրուցել է հնդիկ դերադանների հետ:
«Մերժվածը» հեռուստասերիալում Իչայի դերակատար Թինա Դատտան առաջին անգամ է Հայաստանում։ Պատասխանելով Tert.am Life-ի հարցին, թե ի՞նչ գիտի Հայաստանի ու հայերի մասին՝ նա ասաց. «Կարծում եմ, որ իմ երկրպագուներն այստեղ շատ են և նկատեցի, նրանք եկել են իմ լուսանկարով շապիկներ հագած: Ես իսկապես անչափ ուրախ եմ այստեղ տեսնել իմ հայ լսարանի երկրպագուներին: Գիտեմ, որ հայերը շատ բարի են, դա էլ է այն պատճառներից մեկը, որ ես այսօր Հայաստանում եմ»:
Տապասիայի դերակատար Ռաշամի Դեսային ևս առաջին անգամ էՀայաստանում։ Նրա խոսքով՝ շատ բան է ուզում հասցնել անել:
«Շատ եմ լսել Հայաստանի մասին և գիտեմ, որ շատ հյուրընկալ ժողովուրդ եք: Քիչ առաջ եմ իջել, դեռ չգիտեմ հայերեն բառեր, բայց կասեմ «Բարև»»,- չնայած հոգնածությանը ժպտալով ասաց դերասանուհին:
Վերջինս Հայաստանի մասին առաջին անգամ լսել է Հնդկաստանում, երբ Վարդան Սարգսյանն իրենց մասին հաղորդում էր պատրաստում. «Վերջապես Հայաստանում եմ: Հույս ունեմ, որ բոլորդ ներկա կլինեք վաղը կայանալիք համերգին և բոլորով անմոռանալի ժամանակ կանցկացնենք»։
Tert.am Life-ի հարցին՝ նախկինում կպատկերացնե՞ր, որ հայտնի կլինի Հայաստանումլ նա պատասխանեց. «Ես երբեք չէի պատկերացնի, որ Հայաստանում այսքան շատ երկրպագու ունեմ, իհարկե, Հայաստան գալը ինձ համար երազանք էր: Շնորհակալ եմ որ բոլորդ այստեղ եք, շնորհակալ եմ նաև նվերների համար»:
Երկրպագուները դերասաններին ուղեկցեցին մինչև ավտոմեքենա:
Հայաստան են ժամանել նաև Սպանդան Չատուրվեդիին (Չակոր), Գաուրավ Չոպրային, Վիջաենդրա Կումերիային, Մրունալ Ջայինին: Նրանք հայ հանդիսատեսի համար ելույթ կունենան վաղը՝ հուլիսի 4-ին:
