Երևի ավելի համեղ բան չկա, քան ամառային մրգերով և հատապտուղներով աղանդերը: Այսօր կպատմենք, թե ինչպես կարելի է շատ նուրբ և համեղ աղադեր պատրաստել՝ ընդամենը 1 րոպեում: Պարզ, հասկանալի, արագ, համեղ և օգտակար…Դրանում կարող եք ինքներդ համոզվել:
Անհրաժեշտ բաղադրիչներ.
- թխվածքաբլիթ՝ 200գ
- ելակ՝ 400գ
- շաքարավազ՝ 100գ
- կաթնաշոռ՝ 250գ
- սերուցք՝ 200մլ
Ինչպես պատրաստել ելակով և կաթնաշոռով աղանդերը.
- Ցանկալի է վերցնել բիսկվիթային թխվածքաբլիթ: Սկզբում մանրացրեք այն բլենդերի օգնությամբ:
- Խորը տարայի մեջ հարեք սերուցքն ու 50գ շաքարավազը, ավելացրեք կաթնաշոռը և շարունակեք հարել՝ մինչ միասեռ զանգված կստացվի:
- Լվացեք և կտրատեք 200գ ելակը: Խառնեք այն մնացած շաքարավազի հետ: Իսկ ելակի մյուս կեսն ուղղակի կտրեք մեջտեղից՝ առանց պոչիկները հանելու:
- Վերցրեք փոքր աղցանամաններ և շերտերով դրեք բաղադրիչները. թծվածքաբլիթը, հաջորդ շերտը՝ կաթնաշոռը, երրորդը՝ շաքարավազով ելակը, կրկին՝ սերուցքով կաթնաշոռ, իսկ վերջում դրեք պոչիկներով ելակը:
Բարի ախորժակ:
