Այսօրվանից ուժի մեջ է մտնում ՌԴ-ի և Վրաստանի միջև օդային փոխադրումները ժամանակավորապես դադարեցնելու որոշումը: Երեկ վրացական Georgian Airways և MyWay Airlines ավիաընկերություններն իրականացրել են իրենց վերջին թռիչքները դեպի Ռուսաստան:
Վրաստանից դեպի Ռուսաստան վերջին թռիչքները այսօր կիրականացնեն նաև «Ուրալյան ավիաուղիներ», «Աէրոֆլոտ» և «Պոբեդա» ռուսական ընկերությունները:
Ռուսաստանի Դաշնության տրանսպորտի նախարարության գնահատմամբ՝ Վրաստանի հետ ավիահաղորդակցության դադարեցման հետևանքով ավիաընկերությունների կորուստները կկազմեն 3 մլրդ ռուբլի:
